قصائد مؤثرة عن الحب والفراق
أشعار حب وفراق بالفصحى
تقدم لكم مجموعة من أشعار الحب والفراق باللغة الفصحى:
قصيدة: أعاذل كيف ينساني حبيب
قال عرقلة الدمشقي:
أعاذل كيف ينساني حبيب
وأنساه وفي الدنيا مشوق
يذكره انسكاب المزن دمعي
وتذكرني ثناياه البروق
أعاذل كيف أسلو عن شقيق
تساوت وجنتاه والشقيق
واطرح المدام وفيه منها
ثلاث مقلة وفم وريق
أعاذل قل صبري زاد شوقي
حملت من الهوى ما لا أطيق
أودعه وأودعه فؤادا
يعذبه التفرق والفريق
قصيدة: فراق ومن فارقت غير مذمم
قال المتنبي:
فراق ومن فارقت غير مذموم
وأم ومن يممت خير ميمم
وما منزل اللذات عندي بمنزل
إذا لم أبجل عنده وأكرم
سجية نفس ما تزال مليحة
من الضيم مرميا بها كل مخرم
رحلت فكم باك بأجفان شادن
علي وكم باك بأجفان ضيغم
وما ربة القرط المليح مكانه
بأجزع من رب الحسام المصمم
فلو كان ما بي من حبيب مقنع
عذرت ولكن من حبيب معمم
أشعار حب وفراق بالعامية
إليكم مجموعة من أشعار الحب والفراق باللهجة العامية:
قصيدة: الصمت يكفي ويشفي صدر راعيه
الصمت يكفي ويشفي صدر راعيه
لا صار كل الحكي ما له معاني
والقلب ما عاد تعنيه المشاريه
والعين ما عاد تغريها الأماني
يا ليت حزني مجرد دمع وأبكيه
ما هوب عايش معي بين المحاني
ما هوب يظهر علي وأحاول أخفيه
وتصير نظرات حزني هي لساني
مدري ذكرني زمان كنت ناسيه
مدري ذكرت الزمان إلي نساني
قصيدة: سهيت لحظة وقمت أبحث بجوالي
سهيت لحظة وقمت أبحث بجوالي
أقرا الرسايل وأمسح ما بقى منها
لقيت ذكرى رسالة والرقم غالي
مكتوب فيها إذا أنا مت فامسحها
فكرت فيك ولقيتك عايش وسالي
وما ظن يا صاحبي في يوم تذكرها
الموت عندي يساوي غيابك الحالي
والحين بستأذنك يا زين وامسحها
قصيدة: وين الغرابة
قالوا: غريب وقلت: وين الغرابة؟
ما دام هذا المجتمع كله إغراب
ما دام جــرح الـقـلــب كــل(ن) رضـابــه
نـبـقـى عـلـى طـول الـدهـر مـثـل الأجـنـاب
كـل الـظـروف الـلـي عـلـيـنــا تـشـابــه
الـمـوت واحـد والـمـنـايــا لـهـا أسـبــاب
قصيدة: سافر وخل أحزان عمري تخاويك
سافر وخل أحزان عمري تخاويك
يمكن معك تلقى حلول لضياعي
حاولت أشوه صورتك يوم أخليك
لقيتك أصدق من بكى في وداعي
قصيدة: قلت اصبري
قلت: اصبري، قالت: أنا أقولك زين؟
قلت: أتمنى ما تكوني بخيلة
ضمت يديني … قلت: توك تحنين
قالت يدينك بس؟ هذي قليلة
يوم احضنتني دمّعت، قلت: تبكين
قالت: أظن الدمع (أصدق وسيلة)
ردّت، وقالت: وش عذاب المحبين؟
قلت: الغياب! وفي عيونك دليله
قصيدة: الغنى والفقر حاجة بيد رب العالمين
الغنى والفقر حاجة بيد رب العالمين
مؤمن بهذي العبارة.. بس ما أنتِ مؤمنة
أدري إن المال لبّى كل شيء ترغبين
إلا أنا واحد من الرغبات غير الممكنة
قصيدة: اعترافك بالخطا
رجعتك تعني لي الشيء الكثير
عبرت لي يا حبيبي عن وفائك
يا هلا بك يالغلا وسط النضير
والهوى.. ما جمل إلاّ هواك
زهرتي في رجعتك فاحت عبير
وابتسم جرحي.. على نبرة نداك
ما يغيب الحب في ظل الضمير
ما نسيت إحساس عمره ما نساك
وإن تذكرتك.. تذكرتك بخير
وإن سليتك شفت بعيوني غلاك
الظلام يطول.. ويطول المسير
كاسفة شمسك ولا تنبت لقاك
ما يغرد في سما الهجران طير
الغيوم السود في أعلى سماك
الجفا والله ترى موت المصير
ومن رضا جوفك مثل من هو جفاك
لو كبر ذنبك ترى قلبي كبير
واعترافك بالخطا.. يغفر خطاك
قصيدة: هم يحسبون المسألة كلها سلك
هم يحسبون المسألة كلها سلك
إذا انقطع تقطع معاه المسالك
ولا دروا إني بالإحساس أبادلك
مو شرط اشوفك وأسألك كيف حالك
أحس بك لو كنت ماني مقابلك
وتحس بي لو كنت ماني قبالك
دايم وفكري في حراوي منازلك
إن جا مجالك ولا ما جا مجالك
تدري وش إلي بس يقطع تواصلك؟
الموت بس الموت يقطع وصالك؟
قصيدة: معاني العشق لو تجمع وتهدى لك كما الباقة
معاني العشق لو تجمع وتهدى لك كما الباقة
حبيبي ما وفت قدرك ولا لبت طموحاتي
يا أطيب قلب قابلته أنا لك روح مشتاقة
تبي تجمع غنايم حبك ومصدر بطولات
أنا من يوم ما شفتك عيوني مالها طاقة
تبي ترسم لك ألوان المحبة والمسراتي
يا أجمل من سكن قلبي وضيّ العمر وإشراقه
أحبك قلتها صادق وخطتها عبارتي
قصيدة: اصبر حبيبي قبل ما ترحل
اصبر حبيبي قبل ما ترحل: تعال
أبيك توعدني “تجيني تجيني”
حتى إذا ظرفك عن الجيّات حال
“اكسر ظروفك يا غلا لجل عيني”
وابنتظرك أنا على كل الأحوال
وابحتضن وردة غلانا بيديني
قصيدة: أنا جريح الأمس واليوم والغد
أنا جريح الأمس واليوم والغد
وهاذي جروح العمر أحصي عددها
لقيت أنا الدنيا ترى ملعنة جد
فيها الكلاب السود تأكل أسدها
صدقني غيرك أنت ما أشوف أنا أحد
ومن ما تلد مثلك خسارة ولدها
قصيدة: ابتعد واهجر شوارعك والبيت
ابتعد واهجر شوارعك والبيت
قلة أدبكم عجلت بالنهاية
رح في طريق في دروبه تماديت
تحت الثرى شيعت نهاية عنايا
أقسم قسم لو شفتك بيوم حنيت
لأدوس قلبك بالقدم من قسايا
آخر سؤالي كان بالحق رديت
قلي بربك وش سب هالسوايا
قصيدة: كرهني بنفسك لو بذنب صغير
كرهني بنفسك لو بذنب صغير
ألقى به أعذاري وأعود لزماني
المشكلة إنه ما بدى منك تقصير
وهذا يزود واقعك في كياني
قصيدة: حتى طبوعك غيرت لي طبوعي
حتى طبوعك غيرت لي طبوعي
أنت الغلا والحب والشوق والطبع
تبي مكانك؟ قم وطالع ضلوعي
حرام إنك ما تفارق ولا ضلع
قصيدة: انتعاش الورد
انتعاش الورد في لحظة وصال
والذبول أنواع والفرقا قهر
والنجوم أشكال في عرض الليال
والكواكب فوق وأحلاها قمر
مستحيل أنساك حتى بالخيال
وإن نسيتك حلم من بعد السهر
قصيدة: كان فيني عيب
كان فيني عيب.. قلي فيك العيب الفلاني
كان هرجي مزعلك في شي.. قلي لا تعيده
جيت ما بديك تحقرني.. جيت أبيك تعز شأني
جيت أبي فزعة ضلوعك من مشاعرك الفقيدة
يعلم الله شفت منك ومن غيابك ما كفاني
كان ما قدرت تخف هم قلبي.. لا تزيده.
قصيدة: قولي تكبر قولي إنسان مغرور
قولي تكبر قولي إنسان مغرور
قولي علي إني عديم المعاني
قولي بعد ما عندي إحساس وشعور
وإني نسيتك وأنت قلبك نساني
لا ما بعتذر منك ولو كنت معذور
ونعم معك بالذات لي طبع ثاني
أدري قهرتك بس أنا كنت مقهور
يا حلم الماضي وغلطة زماني
قصيدة: أمداك تنسى الزعل وتقول سامحني
أمداك تنسى الزعل وتقول سامحني
من بعد ذاك الخطأ ودك تراضيني
أدميت قلبي بكلمة ودمعت عيني
حاسب كلامك إذا ودك تحاكيني
ما بي أصارح ولا ودي تصارحني
لكن إذا طال صمتي لا تجافيني
قصيدة: والله فقدتك
والله فقدتك يا أعز الأحباب
عساك تسعد بالفرح والتهاني
يقولها قلب عن الحب ما تاب
وإلي بقلبي لك يقوله لساني
ما غيرتني دنيتي يا أوفى الأحباب
مخلص ولا لي بالبشر وجه ثاني
أحدث التعليقات